Հայաստանի Հանրապետության ներքին գործերի  նախարարության միգրացիայի և քաղաքացիության ծառայությունը Հայաստանի Հանրապետության ներքին գործերի նախարարության ոլորտում գործող պետական մարմին է, որը մշակում և իրականացնում է միգրացիայի և քաղաքացիության բնագավառում Հայաստանի Հանրապետության կառավարության քաղաքականությունը։

Ոստիկանությունը հանցավորության և այլ հակաիրավական ոտնձգությունների դեմ պայքարի, հասարակական կարգի ու անվտանգության ապահովման ոլորտում իր լիազորությունների սահմաններում մշակում և իրականացնում է Հայաստանի Հանրապետության կառավարության քաղաքականությունը։

Փրկարար ծառայությունը իրականացնում է արտակարգ իրավիճակների կանխման, դրանց հնարավոր հետևանքների նվազեցման և վերացման, արտակարգ իրավիճակներում բնակչության պաշտպանության ու քաղաքացիական պաշտպանության միջոցառումների իրականացման ծրագրերի մշակում, քաղաքացիական պաշտպանության պահուստների ստեղծմանը և նպատակային օգտագործմանը մասնակցություն. հակահրդեհային պահպանության և հրշեջ-փրկարարական ծառայությունների մատուցում և այլ գործառույթներ: